„Nohbern jonn“ heïscht sua völl wi „Nachbarn besuchen“ oder „sich mit Nachbarn unterhalten“. Use Nohber, de us am Sondach, dem 15. Mai en dat Museum en der Abtsküek för ne Lesong van „Döt on Dat“ enjeladen hat, wor de Heljenser Jeschechtsvereïn.
En der huagen Tiet fam Bergischen Platt woren Heljens on Velbert jo noch eïn Dorp, on di Lütt kallden do di glieke Sprook. Vandaach jöft et en par kleïne Öngerschiet, äwer dat es nit wider wechtech.
Sua woren dan tatsächlech sua öm di zessich Lütt am Sondachmorjen jekuemen, öm sech user Platt-Jekäll aan te hüeren. User Jekäll, dat wor ne bongte Meschung van Carl Schmachtenberg, Fretz vam Penn, dem aulen Heljenser, on völlen Dönekes van fröüheren on ezigen Kompeneïs-Lüdden.
Niejen (alt en bötschen äulere) Kompeneïsweïter on -jonges braiten Döt on Dat te Jehüer. Wenn man no dem Beifall jon kan, hät et den Lüdden wal juet jefallen.
Heï mot noch ens „Danke“ jesait wäden an use Nohbern en Heljens för di Enladung tem Nohbern met Döt on Dat.