Bliewend om Damm
Gruaßwoot vam Baas Dorothea Kollenberg
„Dach tesamen!“ mäut ech geen önk allen tourupen. So wie dat jo sös ömmer beï
usen Kuëmowenden gewesen es. Dat dat nu wegen de Plog met dem Coronavirus
momentan nit klappt, deït us allem arch leïd on wiah. Äwer wer wieten us jo te
hölpen. Wir hant fast all den Kriech on ouch die Hongerjohren donoh metgemakt,
wieten us noch doran te erennern on vielleïcht ouch die eïn of angere Liahr dorut te
trecken. Aulbaas Friedhelm Kopshoff on ech hant nu die Idee gehat, dat wir jo
ouch so Kontakt haulen köünen, wie tem Beïspell op user Internetsitt
www.velberter-platt.de oder met E-Mails, temindest met all dennen, die Internet
hant. Wir Aulen wieten us jo noch te hölpen. So hant wir us gedeit, dat wir op döse
Aat on Wies, wie heï te senn es, Kontakt haulen können. Wobeï wir nit vergeten
wellen, dat et jo ouch noch dat Telefon göwt.
Wir köünen so vielleïcht jet van unsem Semesterprogramm dorchtrecken,
Nöüechkeïten uttuschen on noch miahr, mer leïder nit miahr gegenüewer stonn on
metenanger van Mongd te Mongd Platt kallen. Wat heï en Platt geschriewen wed,
löt sech äwer ouch laut lesen on so vertrout em Ohr klengen. Van nu af kriegen
gönnt - wie gesait – af on tou dös Blatt op Plattt per Internet tougescheckt bzw. te
lesen. Dat es ens iascht en Versük. Wir haulen äwer patu user Internetsitt opreit on
aktuell.
Liewe Kompeneïslütt, bliewend om Damm on nett te Huus, domet wer bauld wiër
all tesamen kuëmen können on ganz besongesch wiër us liew Platt kallen können.
Wir haulen all ömmer fast tesamen! Bös dohen!
Önke Baas Dorothea Kollenberg on ewenso önke Aulbaas Friedhelm Kopshoff
Hier finden Sie die vollständige Ausgabe des liebevoll gestalteten Döt on Dat
Viel Spaß beim Stöbern!