Kott vör Krestdach es se gestorwen. Niegenzig wor se döt Johr em Suemer geworden. Se wor
en Velbed ne Instituzijuan, en Urgesteïn. Man koun se ut Velbed frogen, wat man woul,
Maria Dübbers wosd Bescheïd. Nit miahr deshalw, weden wer se arch vermessen. En örer
liewensweten, frönglichen, äwer ouch bescheïdenen Aat het se völl Fröüd on Fruahsenn
gebreit on ouch völl Fröngde gefongen.
Van kleïnop het se platt gekallt. En Freud on Leid van Karl Schmachtenberg on Fieles on
Hamerschlag van Eduard Schulte gehuarden newen Klassikern ter Husliteratur. Alt en der
Schual dorf se döck noh vüren kuemen on en Gedecht en Platt utwendig vördragen. Sua bliew
et nit ut, dat se en Pension temlich grasch ter Offers-Kompeneï gefongen het. Dat wor noch
onger dem Gründer Rolf Fahrenkrog, beï dem se domols 1988 met noch nem paar angeren
vam Johrgang 1925/26 tou den Jongen Weïtern gehuarden. Noh dem Duat vam Baas Rolf
Fahrenkrog üewernohm sin Frau Erika Fahrenkrog die Offers-Kompeneï äs Baas, wobeï
Maria Dübbers mit örer afseluten Kompetenz en Velberder Platt lange Tied äs reite Hangd
fungierden. Met 97 Johren gow Erika Fahrenkrog die Leïtong van der Offers-Kompeneï op on
Maria Dübbers wod tesamen met Friedhelm Kopshoff de nöüe Baaas.. Et weden van do af ne
nöüe Wengd. Die Offers-Kompeneï, der mer noch 17 Kompeneïslütt aangehuarden, koun em
Loup van fouf Johren op üewer 50 Lütt aanwaßen. Dotou het beïgedragen, dat
Mongtaatlesongen afgehaulen woden, en Videofilm üewer Velbeder Platt gedreiht wod, en
Internetoptrett installiert wod on döckeser Artikel en Platt en der Velbeder Zeïtong on en der
Velbeder Seniorenzeïtong te fengen woren. Tedem het Maria Dübbers döckes Seniorenheïme
besückt on do tem gruaten Vergnügen van den aulen Lütt Stöckskes op Platt vörgedragen.
Üewer 80 Stöckskes het se en Platt geschriewen, die tem gruaten Deïl en dem Buek döt on dat
te fengen sind.
För öre Verdienste öm die Pflege on Erhaulong vam Velbeder Platt es Maria Dübbers 2007
vam Langdschaftsverband Rheinland met dem Rheinlanddaler utgeteichnet woden. Vör dreï
Johr te örer foutontwentigjöhrigen Tougehüarigkeïit ter Offers-Kompeneï es Maria Dübbers
tem Iahrenbaas ernangt woden.
Wir können Maria Dübbers nit genog danken för all dat, wat se gedonn het, öm dat Velbeder
Platt te pflegen on te erhaulen. Nu bliewt us noh allem mer noch te sagen:
Rouh en Frieden!