User Aulbörgermeïster Heinz Schemken es am 27. Februar 2021 em Auler van
bauld 86 Johren verstorwen. Dat makt us van der Offers-Kompeneï alle arch trurig,
wor he doch wie eïner van us Kompeneïslüdden. He kallden noch en
onverfälschdet Velbeder Platt on dat so, wie em den Schnabel gewaßen wor. He
fehlden op keïner van useren Opdredden, of et nu gruarte Mongdaatlesongen of
angere Festivitäten woren. So wor he ouch beï usem 60jöhrigrn Jubiläum
selbstverständlich eïner van usen aangesehendsten Gästen. He wor der Offers-
Kompeneï ömmer van Häzen tougedonn. Met siner Gratulatzijuan tem Jubiläum
bedankten he sech för all die weetvolle Arbeït, öm us Velbeder Platt te pflegen
on te erhaulen. Dabeï führden he onger angerem ut, dat för en äs aulen Velbeder
die Heïmot- on Muëdersprook tem hüachsten Kulturguet gehüare. Wenn et der
Offers-Kompeneï en verliedenen Tieden gelongen wör, dat Velbeder Platt
lebendig te haulen, so lög en der aulen Muëdersprook doch ouch en Stöck
Vergangenheït. För en ergöw sech dorut, dat, we den reiten Bezog ter
Vergangenheït het, de te guëder Letzt ouch en könftigen Tieden ömmer guët
tereitkömmt.
Wir hant Heinz Schemken völl te verdanken on weden en arch vermessen. Wir
weden en äs Mensch vam aulen bergischen Schlach on äs Velberder Urgesteïn
ömmr huach en Iahren haulen. Us Herrgott schenke em die iawige Rouh.