Am 22. Jannewar 2021 es use liewe Kompeneïsmann August
Wilhelm Rees em Auler van 82 Johren verstorwen. Sin Duat het
us all siahr metgenohmen. Wir weden Auwi, wie sine guaden
Frönden en nangden, arch vermessen. Sine fröngdliche Wesensaat
makden en tou nen liewenswäten Fröngd. Sin Velbeder Platt wor
astreïn. En de Offers-Kompeneï es he seit völlen, völlen Johren,
het do ouch döck Stöckskes vörgedragen on so die Lütt ömmer
nett amesiert on tom Lachen gebreit. Besongersch het et em wall
Carl Schmachtenberg met sinen Gedechten ut dem Lewen
aangedonn. Dat kom gewess doher, dat Schmachtenberg en
bergischen Dechter on Buur wor on Auwi jo ouch op nen Hof
opgewaßen es on Buur weden wol. He het sogar Landwirtschaft studiert on wor Dipl.-Ing. agr.
Doch dann mosden he van sinem fröüh verstorwenen Vader dat Bougeschäft üwenehmen.
Nit weniger beschlonn wor he en Heïmotkond van Velbet on Ömgewong. Wenn eïnem do wat
nit klor wor, wos Auwi Bescheïd. He kangden sech ouch en den Familjengeschechden van
aultengesetenen Familjen ut. So kom et döck vör, de he ouch Aanfrogen van den Stadtarchiven
van Velbet, Wölfroth on Heljens kreg on dennen äs bekangden Lokalhistoriker hölpen koun.
En Denkmol het he sech quasi gesatt mit dem Buek „Dat Obere Angertal“, dat he tesamen met
Aulbaas Friedhelm Kopshofff on Jürgen Scheidsteger rutgebreit het. Em oweren Angerdal ver
wottelt on opgewaßen, wor et em patu draangelegen, jet tou de Geschecht beïtedragen on en
Vördrägen den Lüdden notebrengen. Dat Buek het völl Aanklang gefongen, wat tem gruaten
Deïl Auwi te verdanken es.
En siner Liew tou siner Heïmot on äs Mensch vam aulen bergischen Schlach wor Auwi en
wohret Velbeder Urgestein. Wir hant em völl te verdanken, weden en nit vergeten on en ömmer
en Iahren haulen. Us Herrgott schenk em die iawige Rouh.
Anstell van Kränzen on Blomen het die Offers-Kompeneï -wie gewönscht- an den Fördervereïn
Christuskerk gespendet.