Eïn Week noh sinem 98. Gebortsdach es use liewe
Mongtaatfröngd on Kompeneïsmann August Steinbrink, am
10. Juni 2018 gestorwen. Dat Jöngken ut Hasselbeck, wie he
sech selwst mols nanngden, wed us arch fehlen. Bös vör nit
allte langer Tied, es he noch ömmer tou usen Kuëmowenden
gekuëmen on het die Kompeneï döck met sin vörgedragenen
Stöckskes ut eïgener Feder nett ongerhaulen. Met siner
verschmetzden Aat het he dann döck die Kompeneïslütt tem
Lachen gebreït. Äwer ouch met völl Aandacht het he an
Kloosowenden die Krestdachsgeschecht noh Lukas Kapitel
2, Feescht 1-20, op Heljenser Platt vörtedragen gewost. He wor ouch met Vördräg dobeï, wenn gruate Mongdaatlesongen vör über 200 Besükern stattgefongen hant. Ne ganze Reïh van sinen Stöckskes sind en dem van
Friedhelm Kopshoff erutgegewenen Buëk „dot on dat“ en
Heljenser Platt te fengen. Eïn van dösen Geschechten es die
vam „Freïen, wie dat fröüher wor“. Em Gedenken an August
Steinbrink brengen wir heï döse Geschecht:
Freïen, wie dat fröüher wor
Do wor dat Lydia, en besongersch brav Weït
1
on ouch alt en betschen üëver dat Auler tem Hierohden2
rut. Et soot te Huus on wachten, so wie man em Dorp seiden „op der Mann.“ Dobeï sooch Lydia reit
passabel3
ut. Schon en paarmol schiën et so wiet te sin, äwer et jov nix. Wie seiden man doch: „Freïen
on heuen wäd döckes ömesös jedonn.“ (Freien und Heumachen, wird oft umsonst getan.)
On do jov et noch de Hermann, ne flietigen Bäcker, on ne ordentlichen Mensch. He kangden mär dat
fröihe Opstonn4
, öm Brötsches te backen. Nommendachs
5 mackten he ne Tour met Päd6
on
Bäckerwajen, öm Bruët no den Lüdden7
te brengen. So hadden he wall wennich Tied8
, öm no ne
passenden Frau te kieken. He wuëden ouch van sin Muëder juët versorcht.
Eïnmol troff Hermanns Muëder den Ohm9 Gust. De wor so jet
wie de Öwerschten10 beï us en der Famillje. No langem Jekäll11
üever alles, kom man ouch op Hermann te kallen12. Besongersch,
da he schon en betschen äuler wor on noch keïn passend Wiev
jefongen hadden. „Och,“ menden Ohm Gust, „lot mech dat enns
maken!"
Alle Verwangden woren reit paff13, als se jewahr wuëden, dat
Hermann on Lydia sech bestaden14 woulen. Kotte15 Tied drop
wor ouch schon die Hochtied. Wie seiden man doch: „Wenn aul
Schüren aanfangen te brennen! (Wenn alte Scheunen anfangen zu
brennen!)
No ne Tied besöckten user Muëder Ohm Gust. On dobeï kom
ouch dat Jekäll op die Hierot16 van Lydia on Hermann. User
Muëder menden: „Ohm Gust, wie kounst Du die Twei tesamen
koppeln. Dat sind doch twei ongerschiedliche Menschen. Die
passen doch üeverhoupt nit tesamen.“ Drop seiden Ohm Gust för
user Muëder: „Weït, wat welste maken? Küeh17 on Päd
18 en eïne
Stall, die mödden sech ouch verdrajen!“
1 Mädchen, 2 heiraten, 3 ordentlich, 4 Aufstehen, 5 nachmittags, 6 Pferd, 7 Leuten, 8 Zeit, 9 Onkel, 10 Oberste, 11 Gerede, 12 sprechen, 13 verblüfft, 14 heiraten, 15 kurze, 16 Heirat, 17 Kühe, 18 Pferde
Die Offers-Kompeneï dankt doför, dat et usen Mongtaatfröngd on Kompeneïsmann August
Steinbrink gegewen het, denn he het ganz gewess völl dotou beïgedragen, us Platt te pflegen on te
erhaulen. Met em es ömes vam aulen bergischen Schlach för ömmer van us gegangen. Wir sind dröm
arch trurig on weden siner ömmer en Iahren gedenken. Rouh en Frieden!