Am 16. Dezember 2016 het he sin Döpp för ömmer tou gemakt. 83 Johr wör he temlich am
Aanfang vam nöüen Johr geworden. Met em het us eïn echt Velbeder Urgesteïn verloten. En
Velbet geboren on opgewaßen het he dat Velbeder Platt met de Muëdermelk opgesogen. He
beherrschten dat Velbeder Platt en Woot on Schreft ut dem Effeff. Dat het he döck beï den
gruaten Mongtaatlesongen van de Offers-Kompeneï bewiesen, wo he Stöckskes van Karl
Schmachtenberg, Eduard Schulte on ut eïgener Feder vörgedragen het. Dobeï on beï angeren
Gelegenheïden wor sech ouch nit te schad, döchtig met aantepacken. Wat us van em erhaulen
bliewt, dat sind sine netten Stöckskes en Platt, die meïst en de Velbeder Seniorenzeïtong te
fengen woren onger der Rubrik jesenn, jelesen on opjeschnappt. En dem em Scala Verlag
rutgebreiten Buek döt on dat vertellt he en nem Beïdrag die amüsanten Geschechten van us
Nelly, dem Familjenhongd.
Wat Heïmotgeschecht aangeng, wos wall koum eïner besser Bescheïd äs Gerd Lensing, de jo
ouch Archivar em evangelischen Gemeindearchiv wor, dat he tou siner Tied nöü opgebout
het. He het sech besongersch verdennt gemakt, indem he die Geschecht van der Aulen Kerk in
Velbet erforscht, verfasst on rutgebreit het, te fengen en dem em ScalaVerlag in Velbert
erschienenen Buek Die Geschichte der Alten Kirche in Velbert.
Sin besongesch Engagement het der Seniorenzeïtong für Velbert, Langenberg on Neviges
STANDPUNKTE gegoulen. Do wor he Redakteur on Layouter. Völl het he dotou
beïgedragen, dat döse Zeïtong te siner Tied vam Enhault on vam Beld her en glänzend Niveau
hat.
Wir van de Offers-Kompeneï hant Gerd Lensing völl te verdanken. He wed us en siner Aat on
met sinem Donn arch fehlen, äwer ouch janz gewess en liewer Erennerong bliewen. Wir sind
fruah, dat et en gegewen het.
Rouh en Frieden!