Mer en paar Weeken vör sinem 93. Gebortsdach es us use liewe Kompeneïsmann
Günter Wordenbeck vör ömmer van us gegangen. Wir erennern us geen dodran, dat he
bei usen Kuemowenden, bei Kloosowenden on Suemerfesten döck de Meddelponkt
wor. Met sinen zig selwst verfassten Gedechten on Stöckskes het he us ömmer nett
ongerhaulen. Meïstens woren et löstige Saken, die he vertault het, dat alle sech
schibbelich gelacht hant. Dobeï makten et em ouch döck niks out, sech en ruade Pappnaas ent
Gesecht te stecken. He wor op alle Fälle johrelang en de Offers-Kompeneï, dat man sech de
Kuemowende ohne Günter Wordenbeck koum vörstellen koun. Wat he ömmer geen gebreit het on us
noch em Uahr klengt, dat wor „Wir Aulen“ van Eduard Schulte. Äwer ouch völl van sinen eïgenen
Geschechten sind us noch bekangt, allein weïl wir se en dem Buek van Friedhelm Kopshoff „döt on
dat“ wiër fengen wie tem Beïspell: „Wat es jet. Wie dat domols worr. Äs Liahrleng en der
Schlossstadt Velbert. Riewkueken. Angina. Juëde Loft. Mueder tem Suahn. Donnerschlag. Ut de
Schöpfongsgeschecht. An der aulen Kerk en Velbet. Erennerongen an minSchualtied, Die Hippen. Die
Kratzmang.“
Vör allem wor he dobeï, wenn Mongdaatlesongen woren. Dovan
existieren noch Filme, en denen Günter Wordenbeck opgetrat es , wie
2008 „En Freud on Leid“ on 2009 en „Fieles on Hamerschlag“. En dem
Film „Velberter Platt präsentiert von der Offers-Kompeneï“ van 2006
het he vör dem Hengergrongd van der Aulen Kerk sin Liewelingsstöck
„Wir Aulen“ van Eduard Schulte vörgedragen.
Ouch äs he en den letzten Johren em Aulenheïm wor, hant wir den
Kontakt doch niemols verloren. Doför het besongesch use Baas
Dorothea Kollenberg gesorgt. So hant wir em letzten Suemer user
Suemerfest en dem Heïm vam Ruaden Krütz gefieert, wo he em
Rollstuhl dobeï sin koun.
Wir weden Günter Wordenbech, de us ömmer völl Freud gebreit het, nit
vergeten on en en Iahren haulen.